[quen somos]

ATANA, Gabinete de Relacións Públicas é unha consultora externa especializada en ofrecer servicios profesionais de RR.PP. que, a partir da análise da situación e necesidades do cliente, plantexa un programa de actuación que incide directamente na imaxe pública da empresa.

Así pois, a nosa actuación afecta de forma clara á comunicación corporativa dos nosos clientes, entendendo esta na súa globalidade: comunicación externa e interna.

[cando nacemos]

Con sede na Coruña, ATANA nace en 1998 co propósito de atender á demanda existente no mercado de actuación galego.

Ó longo da súa traxectoria, a satisfacción por parte do cliente cos resultados obtidos, confirma a nosa intención como unha realidade.

[formación dos integrantes]

ATANA aposta, como eixo básico na estructura organizacional da empresa, por un equipo de profesionais con formación académica e titulación nas áreas de Relacións Públicas e Publicidade.

Asimesmo, como persoal externo, contamos con profesionais especializados en cada unha das áreas de traballo que conforman esta consultora: sociólogos, deseñadores gráficos, editores web, linguistas, traductores, e demais especialistas nas materias que a rigorosidade de cada proxecto require.

[experiencia profesional]

A dirección está a cargo de Marina Oural Villapol, socia fundadora da empresa, membro da directiva -Secretaria- de AS.GA.R.P. (Asociación Galega de Relacións Públicas) dende 1993 a 1997, profesional con máis de dez anos de experiencia no campo das relacións públicas, e oito como docente en materias de Teoría, Técnica, e Programación de RR.PP.

Dende ATANA coidamos de manter unha comunicación bidireccional aberta e contrastada pola experiencia que cada un dos integrantes aporta, tanto de forma individual como no traballo en equipo.

Tódolos membros que integran a empresa, xunto co persoal externo, aportan a súa experiencia laboral nas seguintes áreas:

• campañas de relacións públicas
• campañas de publicidade
• tratamento de medios de comunicación
• deseño gráfico
• formación: cursos, seminarios e conferencias
• tratamento de contidos para sitios web

[a nosa filosofía]

[a imaxe como valor diferenciador] obxectivo
[facelo ben e facelo saber ben] medio
[a imaxe positiva] efecto

O noso método de traballo actúa sobre os cimentos básicos nos que se asenta a imaxe de calquera entidade ou organismo, ofrecendo resposta á demanda de comunicación, mediante a concepción e elaboración de estratexias de RR.PP., e poñendo ó servicio do cliente tódalas ferramentas necesarias para o seu correcto tratamento.

O mercado empresarial necesita un discurso coherente entre o que fai e o que di que fai, para comunicar coa comunidade en xeral e cos seus públicos en particular.

Dende ATANA favorecemos a creación de estructuras óptimas de comunicación, pois entendemos as RR.PP. como un conxunto de "estratexias de confianza" entre a empresa e os seus públicos e traballamos para conseguir a coherencia na mensaxe, é dicir:

"facelo ben e facelo saber"

Pero os mellores resultados para a comunicación dos nosos clientes buscámolos cun engadido a esta máxima:

"facelo ben e facelo saber ben"